Остуоруйа кудуга

WhatsApp Image 2021 07 20 at 15.04.46 1

Мин саллаат сиэнэбин

(оҕолорго хоһоон)

Хорсуннук туттаммын

Дьоһуннук үктээммин

Саллааттыы хаамабын,

Дьоруойдуу туттабын.

Мин саха уолабын,

Мин саллаат сиэнэбин,

Мин Дьоруой Сүөдэри

Утумнуур ыччаппын.

Баатара сиригэр

Эн аатын ааттанар,

Сыымаҕын ыччата

Киэн тутта, махтанар.

Ытыктыы махтанар

Эн хорсун быһыыгар.

Дьоһуннук олорбут

Чаҕылхай олоххор.

 

WhatsApp Image 2021 07 20 at 15.04.45 1

ДОЙДУБУН КӨМҮСКҮӨМ

Уол оҕо буоламмын

Мин хорсун куттаахпын,

Улаатан бараммын

Саллааттыы барыаҕым.

Дойдубун көмүскүөм,

Сэрииттэн харыстыам.

Үөрэххэ-үлэҕэ

Көхтөөхтүк кыттыһыам.

Өбүгэм үгэһин

Ытыктыы улаатыам,

Айылҕам кэрэтин

Куруутун кэрэхсиэм.

Уол оҕо буоламмын

Мин хорсун куттаахпын.

Ийэ сир дойдубун

Харыстыыр иэстээхпин.

Мусьяна Сосина 21.01.2021с.

WhatsApp Image 2021 07 20 at 15.04.47

МИН САЛЛААТ СИЭНЭБИН

(оҕолорго хоһоон)

Мин сэрии туһунан киинэттэн билэбин,

Ол сэрии кутаатын ойуулаан көрөбүн,

Өстөөҕү кыргыбыт эһээбин ытыктаан,

Бу хоһоон тылынан

Махталбын аныыбын.

Эдэркээн уолаттар, эдэркээн кыргыттар,

Уот кутаа сэриигэ аттанан барбыттар,

Кыайыыны уһанса, киирсиигэ кыттыһа,

Аан дойду олоҕун кыайыыга салайса.

Чаҕылхай ыччаттар ол сэрии уотугар

Эргиллэн кэлбэттии күлүктүүн сүппүттэр,

Ол эрэн, кинилэр сим биир баар курдуктар,

Эйэлээх олоҕу тутуспут буойуттар.

Бу чэбдик салгыҥҥа, бу сырдык халлааҥҥа,

Эйэлээх, эрэллээх, дьоһуннаах олоххо.

Дьолунан сандаарар хас биирдии мичээргэ.

Тапталы ыралыыр эдэркээн сүрэххэ.

Көҕөрө суугунуур бу хатыҥ чараҥмар,

Үөһээнэн дьоһуннук кыырайар көтөрбөр,

Холорук эргийэн бэлиэтиир суолугар,

Хас биирдии эриэк…

WhatsApp Image 2021 07 20 at 15.04.46

ГЕРОЙ ОҔО СААҺА

"Сыҥаһалаах" алааһыгар

"Атыыр тириитэ" сайылыгар,

Герой Сүөдэр оҕо сааһа

Кустуктана ааспыта.

Сайылыкка сарсыардаттан,

Үлэ күөстүү оргуйара,

Ол да буоллар быыһыгар,

Оҕо аймах оонньуура.

Үрэххэ сырсан киирэн

Күрэхтэһэ харбыыллара,

Хабылыктаан, хаамыскалаан,

Бэрт иллээхтик оонньууллара.

Сылгылардыын сырсаллара,

Мас да тардыһан ылаллара,

Туста да оонньууллара,

Оһуокайдаан да ойоллоро.

Бу манна барытыгар

Сүөдэр ордук чорбойоро,

Кыра оҕо эрдэҕиттэн

Холобурга сылдьара.

Сүөдэр үтүө майгытын,

Хорсун-хоодуот сүрэҕин,

Холобур оҥостобут

Сүөдэр сүдү Геройбут.

WhatsApp Image 2021 07 20 at 15.04.45

ГЕРОЙ СҮӨДЭР МУЗЕЙА

Бүгүн Герой музейыгар

Оҕолордуун сырыттым,

Герой Сүөдэр олоҕун

Кэрчиктэрин билистим.

Музей дьоһун үлэһитэ

Герой олоҕун кэпсээтэ,

Оччотооҕу кэм малларын

Кэпсии-ипсии көрдөрдө.

Баатараҕа кэлэҥҥит

Бу музейга сылдьаарын,

Герой Сүөдэр олоҕун

Кэрчиктэрин билсээрин.

Мусьяна Сосина

26.03.2021 с.