Остуоруйа кудуга

WhatsApp Image 2021 07 14 at 23.02.33

- Абытууй-абытай, бүгүн өссө элбээтибит, бөлүүн оҕо бөҕө төрөөтө.

- Чүөчэбит бүгүн настырыанньата үчүгэй. Ас бөҕө астаан эрэр.

-Чэ бэрт дии, хата мантан түүн эмиэ банкеттыырбыт буолуо.

- Эн аатыҥ кимий?

- Таракаан,

- Онтон эн аатыҥ?

- Таракаан

- Онтон эйиэнэ?

- Биһи бары таракаан диэммит

- Аа даа? Странно...

- Онтон эйиэнэ ол ким диэний?

- Мин аатым аһара курутуой!

- Тыый! Ким диэний?

- Үөн диэн!

- Тоҕо Үөн?

- Онтон хаһаайкам наар миигин көрдө да: "Үөн!"- диэн хаһыытаан тахсар.

- Ээ сөп, сөп. Биһигини буоллаҕына таракаан дииллэр,

- Ол эрэн, эһиги хаһаайкаҕытыгар ымсыыран кэллим. Асчыт бэрдэ дии. Наһаа үчүгэй ас сыта ыраахтан кэлэр, ону сирдэтэн кэллим,

- Онтон эһиэнэ тугу гынар?

- Биһиэнэ наар тугу эрэ кутан тахсар, "дьаат" диэн ааттыыр дии. Ол кэнниттэн хара баһааммыт көҕүрүүр, өлөбүт аҕай. Мин бу саамай өйдөөхтөрө, аксакааллара хаалан сылдьабын. Бэриммэппиин, мин оннукка. Дьаат сытын ыраахтан  билэбин. Ити эдэрдэрбит барахсаттар билбэт буоланнар таах сиэн иһэллэр уонна өл да өл мээнэ-мээнэ. Эһиэхэ дьаат куталлар дуу?

- Суох, биһи хаһаайкабыт ас астыы-астыы олорор, кырдьаҕас эмээхсин ээ. Хараҕа да мөлтөх, көрбөт биһигини. Биирдэ эмэ көрдөҕүнэ: «Таракаан!» - диэн хаһыытаахтыыр. Биирдэ эмэ үктээн өлөрөөрү ыстаҥалаан көрөөхтүүр да, куотар буоллахпыт. Быыс-хайаҕас, саһар сир элбэх. Уонна онон бүттүбүт, ха-ха!

- Бөлүүн сыбаайба бөҕө буолла дии. Сотору эмиэ оҕо бөҕө төрүүрэ буолуо.

- Төрөөн буоллаҕа, хайдах гыныахпытый? Төрүү-төрүү аһыыбыт эрэ, ха-ха уонна тугу гыныахпытый?

- Оннук ээ. Эмээхсиммит тыыннааҕын тухары олоробут, дьэ.

- Өллөҕүнэ да кыһалҕа кыра, атын ыалга көһүөхпүт буоллаҕа дии.

- Оннук, оннук.

- Хаһаайкабыт кырдьаҕас буолан бэрт баҕайы. Түүннэри-күнүстэри саспакка, куттаммакка аһыыбыт-сиибит, бырааһынньыктыыбыт. Ким эрэ сыбаайбалыыр, ким эрэ үбүлүөйдүүр, ким эрэ төрүүр. Оннук олоробут наһаа үчүгэйдик. Түүн олох да хаһаайкабыт үрдүнэн сүүрэ сылдьабыт, дискотекалыыбыт даҕаны, билээхтээбэт ээ, барахсан.

- Һуу, дьэ бэрт эбит. Бэрт сиргэ кэлбиппин, аймахтарбын ыҥыртыам. Бары манна көһөн кэлииһикпит.

      САРДААНА