Остуоруйа кудуга

Икки куоска

Ааптар: Анна Колосова

Икки куоска

(хоһоон)

Сандал саас кэлиитэ,

Харалдьык тахсыыта,
Таһырдьа,күн  уотугар,

Сыламныы сыппыттара икки куоска.


Биирэ маҕан дьүһүннээх, 
Кылбайбыт ыраас түүлээх,
Сып -сытыы тыҥырахтаах,
Олус сэксэйбит кутуруктаах.

Атына, хара дьүһүннээх,
Ньамах буолбут кирдээх түүлээх,
Тостон бараммыт тыҥырахтаах,
Лаҕыыр буолбут кутуруктаах.

Ол сытан маҕан куоска,
Топпут иһин мөтөтөн,
Тыҥырахтарын саратан,
Сиргэммит курдук туттан эппит:

- Хара түөкүн, эчи киргин,
Түүгүн кутуруккун көрүнүөххүн,
Ыраастык тутта сылдьыаххын.

Онуоха хара куоска хардарбыт:
-Эн сылаас,ыраас дьиэлээххин,
Онтон мин тоҥобун-хатабын,
Ускул- тэскил сылдьабын,
Куруук аччык буолабын.

Иннэ диэн баран, хомойон,
Дириҥник өрө тыынаат,
Ырааҕы киэҥи толкуйдаабыта,
Уһун суол устун хаама турбута…