Остуоруйа кудуга

Ааптар: Анна Колосова

Кутуйах

(остуоруйа)  

Кутуйах                                                                                                     
         Кутуйаҕы кыыллар бары сөбүлээбэттэр эбит. Наһаа кыра,туох да туһата суох диэн туораталлар,бииргэ илдьэ сылдьыбаттар эбит. Кутуйах онтон олус санаарҕыыр бэйэтин сэнэнэ саныыра үһү. 
         Биирдэ тииҥ төрөөбүт күнэ буолбут онно кыыллары барыларын ыҥырбыт. Бэлэх бөҕөтүн туттарбыттар. Ойуурга, төрөөбүт күннээҕи остуолларын бэлэмнээбиттэр. Ас арааһа баар эбит. Тото-хана аһаабыттар. Тииҥ кутуйаҕы ыҥырбытын сөбүлээбэтэхтэр,кырыы харахтарынан көрбүттэр. 

          Бырааһынньыктара ортолоон үҥкүү -битии саҕаланан эрдэҕинэ, эһэ хойутаан аҕай кэлбит. Тииҥҥэ бэлэҕин, эриэхэни, туттараары гыммыта,  кып кыра хайаҕаһынан чөҥөчөк хайаҕаһыгар мүччү тутан кэбиспит. Бары хомойо түспүттэр. Тииҥ санаарҕаан ытаабыт,эһэ бэйэтин буруйдаммыт. Бырааһынньыктара ыһыллар туруктаммыт. Онуоха кутуйах саҥата суох чөҥөчөх анныгар киирэн эриэхэни хостоон таһаарбыт. Бары үөрбүттэр уонна кутуйаҕы,атын харахтарынан көрөр буолбуттар.

         Оннук гынан кутуйах, тииҥ төрөөбүт күнүн быыһаабыт. Кинини ким да сэнээбэт буолбут. Бары үөрэн-көтөн,иллээхтик тарҕаспыттар.