1. “Үрүҥ эһэчээн”олимпиадаҕа кыттаары саайтка хайаан да суруттарыахтаахпын дуо?
Саайтка сурутуулаах эрэ киһи киирэн дьарыктары уонна олимпиадалары толорор кыахтаах. 1 ыйдааҕы “Күннэй” диэн сурутуу төлөбүрэ олимпиада взноһугар тэҥ, 100 солк. Онтон атын 6 ыйдаах “Бэлэм” уонна 1 сыллаах “Туйгун” бааллар. Төһөнөн өр кэмҥэ суруттараҕыт да, оччонон барыстаах. Тургутуктар сотору-сотору саҥардылла туруохтара. Онлайн түһүлгэҕэ “Үрүҥ эһэчээн” олимпиадаттан ураты өссө атын олимпиадалар ыытыллыахтара. Сурутуу болдьоҕо баарын тухары, оҕо онно барытыгар эбии төлөбүрэ суох кыттыан сөп.
2. Регистрацияланным эрээри, логиммын эбэтэр парольбун саайт билиммэт. Хайыыбын?
Регистрация кэнниттэн иккистээн саайтка киирэргит сатаммат буоллаҕына, +7 (914) 102-78-56 нүөмэргэ бассаапка суруйуҥ. Тэхиниичиэскэй алҕас тахсыбытын көннөрүөхпүт эбэтэр туох сыыһа барбытын быһаарыахпыт. Күн устата хайаан да хоруйдуохпут.
3. Логиммын уонна парольбун учууталбыттан ыллым. Ону хайдах уларытабын?
Учууталгыттан ылбыт логиҥҥын уонна парольгун хаһан баҕарар бэйэҥ тус хоскор “Тус хоһу уларытыы” диэни баттаан уларытыаххын сөп.
4. Мин учууталбын уонна сорудахтары сатаан көрбөппүн. Тоҕо?
Саайт сорудахтара уонна олимпиадалара оҕо эрэ тус хоһуттан арыллаллар. Кэлин учуутал тус хоһо саҥардыллан, үөрэнээччилэр дьарыктарын түмүктэрэ эһиэхэ эмиэ көстөр буолуоҕа.
5. Учуутал үөрэнээччилэри суруттарар болдьоҕо төһөнүй?
Оҕо учууталын нөҥүө суруттарар буоллаҕына, сыллааҕы сурутуута 50% чэпчэтиллэн 360 солк. буолар. Учуутал аккаунуттан ыйдааҕы уонна сыл аҥаардааҕы сурутуу сатаммат.
6. Учуутал оҕолору регистрациялыыра, үөрэнээччи бэйэтэ суруттарарыттан туох уратылааҕый?
Учуутал нөҥүө суруттарыыга оҕо саайтка сыллааҕы сурутуута 50% чэпчэтиилээх. Ону таһынан учууталынан суруттарбыт оҕо туспа бэйэтэ регистрацияламмат, логин уонна пароль учууталыттан ылар.
7. Учуутал хас оҕону суруттарыан сөбүй?
Учуутал тус хоһуттан төһө баҕарар сайаапканы ыытыан сөп. Сүрүн усулуобуйата – биир сайаапкаҕа оҕо ахсаана 5-тэн элбэх буолуохтаах.
8. Араас кылаас оҕолорун учуутал тус хоһуттан бииргэ суруттарыахха сөп дуо?
Учуутал оҕолору суруттарарыгар үөрэнээччилэрин ахсаанын эрэ ыйар. Сайаапка киирбитин кэннэ күн устата биһиги учууталы кытта сибээстэһэн, суруттарбыт оҕолор испииһэктэрин ылабыт. Үөрэнээччи кылааһа, аата-суола онно ыйыллыбыт буолуохтаах.
9. Учуутал тус хоһуттан сурутуу сайаапката хаста оҥоһуллуон сөбүй?
Учуутал төһө баҕарар сурутуу сайаапкатын ыытыан сөп. Ол хааччахтаммат.
10. Интернетим сибээһэ куһаҕан, ол эрээри олимпиадаҕа кыттыахпын баҕарар буоллахпына хайыыбын?
“Үрүҥ эһэчээн” олимпиадаҕа кэтэхтэн, кумааҕыга хоруйдаан эмиэ кыттыахха сөп. Онно анаан Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай почтаҕа көҥүл халыыбынан оскуола эбэтэр оҕо аатыттан сайаапка суруйан ыытаҕыт. Хас оҕо кыттар баҕалааҕын, ааттарын-суолларын уонна кылаастарын ыйаҕыт. Утары суругунан тургутуктар ыйытыктарын уонна хоруй бланкатын ыытыахпыт.
Көрдөһүү! Суругунан кыттар үөрэнээччилэр уонна учууталлар, хайаан да олимпиада ирдэбиллэрин тутуһаргытын көрдөһөбүт. Тургутук уһаабыта 60 мүнүүтэ ыытыллыахтаах. Оҕо сорудахтары анал кэбиниэккэ олорон толоруохтаах. Чиэһинэй күрэх буоларын тутуһуоххайыҥ!
