belka

Сэтинньи 21 күнэ – Бүтүн аан дойдутааҕы дорооболоһуу күнэ. Бу бэлиэ күнү 1973 с. Америка олохтоохторо, убайдыы-быраат Майкл уонна Брайен Маккомактар, төрүттээбиттэрэ.

Аан дойдуга сорох омук олус интэриэһинэйдик дорооболоһор эбит. Салгыы кинилэр хайдах дорооболоһоллорун билсиэххэйиҥ:   

  • Новай Зеландияҕа олорор маори диэн омуктар көрүстэхтэринэ муннуларынан даҕайсаллар. Бу дорооболоһуу “хонги” дэнэр. Түҥ былыргыттан кэлбит үтүө үгэс.
  • Тибет сорох куораттарыгар дьон дорооболоһоругар тылын быктарар. Бу үгэс IX үйэҕэ Ландарма ыраахтааҕылыыр кэмин саҕана үөскээбит.
  • Япония омуга кэпсэтээччитигэр убаастабылын көрдөрөн тоҥхох гынар эбэтэр бокулуоннуур.
  • Полинезия арыытын Тувалу олохтоохторо иэдэстэринэн даҕайсан туран дириҥник тыынан ылаллар эбит.
  • Таилаҥҥа дьон дорооболоһор үгэстэрэ “вай” дэнэр. Кинилэр ытыстарын холбуу тутан сирэйдэригэр чугаһаталлар уонна бокулуоннууллар.
  • Филиппины омуга аҕа саастаах дьоҥҥо убаастабылын уратытык көрдөрөр. Ол курдук, эдэр киһи уҥа илиитинэн аҕа саастаах киһи уҥа илиитин ылан сүүһүгэр уурунар уонна “мано по” (“убаастыыбын”) диэн этэр.