kunas

 

Оҕолоор, дорооболоруҥ! Мин бүгүн ийэбиниин сөбүлээн астыыр “Синнабон” буулка ырысыабын кытта үллэстиэм.

 

Биһиэхэ наада:

  • 200 мл. сылаас үүт
  • 75 кыр. ынах арыыта
  • 2 уст. сымыыт
  • 75 кыр. саахар
  • 1 кыра ньуоска туус
  • 1 ост. ньуоска доруоһа
  • 600 кыр. бурдук
  • 1 ост. ньуоска мас арыыта

Начыыҥкаҕа:

  • 120 кыр. саахар
  • 15 кыр. мэлиллибит корица
  • 30 кыр. ынах арыыта

Глазурь састааба:

  • 160 кыр. “Mascarpone” сыыр
  • 70 кыр. саахар буудурата
  • 40 кыр. ынах арыыта

sin5

Бастаан сылаас үүккэ доруоһаны уонна 1 ост. ньуоска саахары кутан баран, дьиэ тэмпэрэтиирэтигэр 20 мүн. туруорабыт. Ити бириэмэҕэ ынах арыытын ордубут саахары кытта булкуйабыт. Туспа иһиккэ сымыыты үллүөр диэри мииксэринэн ытыйабыт. Ол кэннэ барытын биир уопсай маасса оҥоробут, тумалыыбыт. Бурдук кутан, тиэстэ охсобут. Бэлэм тиэстэни 1 ч. сылаас сиргэ таһаара уурабыт.

Ити бириэмэҕэ начыыҥкабытын оҥоробут. Састааппытын барытын биир иһиккэ кутан булкуйабыт. Начыыҥка бэлэм.

sin5

Тиэстэ тахсыбытын кэннэ 0.6-0.7 см халыҥнаах гына тэнитэбит. Начыыҥкабытын тэниппит тиэстэбит үрдүгэр сыбыыбыт.

sin5

Онтон рулет курдук эрийэн баран, 2 см халыҥнаах гына быһабыт.

sin4

Духуопка лииһигэр арыынан сотуллубут пергамент кумааҕыны тэлгиибит. Буулкаларбытын лиискэ ууран, 30 мүн. эмиэ таһаарабыт. Ол кэннэ 180 кыраадыска диэри сылыйбыт духуопкаҕа 30-40 мүн. буһарабыт.

sin5

Буулка буһар кэмигэр глазурь оҥоробут. Глазурь састаабын барытын иһиккэ кутан биир тэҥ маасса буолуор диэри булкуйабыт. Буулкалар буһан таҕыстылар даҕаны сылаастыы глазурьбутун кутабыт уонна 5 мүн. духуопкаҕа уган ылабыт. Аспыт бэлэм.

 

Аскыт тотоойу буоллун!

Коля Портнягин,

V “Б” кылаас,

Мүрү 1 ¹-дээх орто оскуолата,

Уус Алдан