kunas

Үтүө күнүнэн! Мин эһигинниин сөбүлээн астыыр “Тимэхчээннэр”  бэчиэнньэм ырысыабын үллэстэбин. 

Биһиэхэ наада:

  • 200 кыр. бурдук
  • 100 кыр. ынах арыыта
  • 80 кыр. саахар
  • 2 сымыыт уоһаҕа
  • 2 кыра ньуоска ванилин
  • 2 кыра ньуоска какао

 Ырысыап хаамыыта:

1. Сымыыт уоһаҕар саахары уонна ванилины кутан үчүгэйдик булкуйабыт.

1

2. Маассабытыгар сымнаҕас ынах арыытын эбэбит. Ол кэннэ бурдугу кыра-кыралаан сиидэлээн кутабыт. Хойдуор диэри мэһийэбит.

2

3. Тиэстэбитин икки тэҥ өлүүгэ араарабыт уонна бииригэр какао кутабыт. Иккиэннэрин 30 мүн. халадыынньыкка туруорабыт.

3

4. Салгыы тиэстэбитин 5-7 мм халыҥнаах буолуор диэри тэнитэбит. Бакаалынан (5 см эргимтэлээх) төгүрүк халыып быһабыт.

4

5. Төгүрүктэрбитигэр бытыылка хаппаҕынан (3 см эргимтэлээх) ойуу түһэрэбит. Күүскэ баттаабаппыт.

5

6. Ол кэннэ тимэхтэрбитин суок туруупкатынан хайаҕастыыбыт. 2-4 көҥдөй хайаҕас оҥоробут.

6

7. 180 кыраадыс итии духуопкаҕа 20 мүн. буһарабыт.

7

8. Бэчиэнньэлэрбит сойбуттарын кэннэ синньигэс лиэнтэнэн эбэтэр сабынан киэргэтэбит.

8

Аскыт тотоойу буоллун!

Кэрэлээнэ Бурцева, 15 № - дээх “Хотугу сулустар” уһуйаан иитиллээччитэ, Дьокуускай