beready

      Оҕолоор, аангылыйа тылын бириэмэлэрин салгыы хатылыыбыт. Өскөтүн ааспыт нүөмэргэ Future Simple ыалдьыттаабыт эбит буоллаҕына, бүгүҥҥү “Be Ready” тиэмэтэ – Past Simple.

Past Simple ханнык түгэҥҥэ туттулларый?

       Past Simple ааспыт кэми көрдөрөр. Үксүгэр yesterday (бэҕэһээ), the day before yesterday (иллэрээ күн), a week (month) ago (ааспытнэдиэлэҕэ, ааспыт ыйга), two hours ago (икки чаас анараа өттүгэр), last year (month, week) (былырыын, ааспыт ыйга, ааспыт нэдиэлэҕэ) диэн тыллар этиигэ туохтуур ааспыт кэмҥэ туруохтааҕын ыйаллар.

Хайдах үөскүүрүй?     

 Аангылыйа тылыгар туохтуур икки көрүҥнээх: “судургу” уонна “уустук”.

“Судургу” туохтуурдарга +d (-ed) диэн сыһыарыы эбиллэр.

V + d (ed)

Холобур, to live (олор) = lived (олорбут), to help (көмөлөс) = helped (көмөлөспүт), to play (оонньоо) = played (оонньообут).

Examples, I lived in Moscow – Мин Москубаҕа олорбутум. Yesterday we played tennis – Биһиги бэҕэһээ теннистээбиппит. He helped me with my homework – Кини мин дьиэтээҕи үлэбин толорорбор көмөлөспүтэ.

“Уустук” туохтуурдар ааспыт кэмҥэ хайдах буолалларын анал табылыыссаттан көрөн нойосуус үөрэтэҕит. 

Холобур, to go (бар) = went (барбыт), to see (көр) = saw (көрбүт), write (суруй) = wrote (суруйбут), hear (иһит) = heard (истибит).

Examples, Last week they went to the cinema – Ааспыт нэдиэлэҕэ кинилэр киинэҕэ сылдьыбыттара.

tablica